اتصلت على صديقي القديم "ع" : السلام عليكم
"ع" : و عليكم السلام
- عندي سؤالين
"ع" : نعم ؟
- الستارة اللي عندك في مجلس الرجال
"ع" : أيوه ( بصوت فيه نوع من الحماس و النشوة)
- أنا أبي أحط ستارة عندي في مجلس الحريم ، و صراحة الستارة عندك حلوة و ما قد شفت مثل تصميمها ،، أبي أعرف وين صلحتها و كم كلفت ؟؟
"ع" : إيييييييييه ، طال عمرك ، (بلهجة رجال الأعمال و الملايين) ، هذي أخذتها من معرض صن ديزاين من شارع التخصصي، و هم يبيعون أطقم بالكامل
- طيب كم كلفت ؟؟
"ع" : هذي - طول الله عمرك - بـ 25000 ألف ، لكن بعد التخفيض خذيتها بـ17000 ألف ربال
- (فقيت فمي ،،،، و حالة صمت حوالي الدقيقة )
"ع" : ألوه ؟؟ ألوه ؟؟ وينك ؟؟
- لا ،،، بس أبي أستوعب المبلغ !! يا خي غرفة نومي كلها بـ12000 !!!! و انت ستارتك أقل من مترين بـ17000 ألف؟؟؟ من جدك ؟؟
"ع" : رح للمعرض و تأكد بنفسك !!
- لا و الله منيب رايح !! وأنا ناقص اكتئاب و ضيقة صدر ،،،،، يالله مع السلامة
اللهم لا تؤاخذنا بما فعل السفهاء منا
ردحذفأبوه يقول: آمين والله لا يبلانا اللهم إنانعوذ بك من الفتن ما ظهر منها وما بطن الله لا يفتنا
ردحذفسبحاااااان الله ناس ماحصلت تأكل وناس مو عارفه وين تودي الفلوس ..
ردحذفنسأل الله حسن الختاااااام